Aarzoo

Hai aarzoo, zindagi mein kabhi...
Aisi kuch muddatein, main guzaaru, sang tere...
Hai aarzoo, ek yeh bhi meri...
Waqt tham jaaye yun, ho ishaare rubaru...
Nazdeekiyon mein ho khoye se hum...
Tanhaayion ka na ho koyi gham...

Viraniyaa, chhat si gayi hai, khushiyaa hai ab darmiyaan...
Tere saath rehne se, har khwaab phir sajey, jee uthey...
Meelo chala, sang tanhaayi thi...
Iss pal ke liye, aankh taras hi gayi thi...

Hai aarzoo, beete na lamhe yeh...
Saath baithe rahe, pyaari baatein karein...
Hai aarzoo, zindagi mein kabhi...
Aisi kuch muddatein, main guzaaru sang tere...
Nazdeekiyon mein, rahein khoye se hum...
Iss pal mein hi, ho fanaa saare gham...

Manzil Tu Hai

Khoyi khoyi si raahein.. Le chale, jaane kahan mujhe.. Apni har aarzu ko, palko pe, yun sawaarien.. Ek aawaaz dil mein, goonje hameshaa.. Manzil tu hai..

Teri har adaa pe, jaan lutaaoon main..
Meri har khushi bhi, teri baahon mein hai.. Kaisa nasha, teri khushbu mein hai..
Na jaane kyun, ho raha, bekaabu main...

Tu hi toh hai mere jeene ki har vajah..
Bas tere liye, jaage mere armaan...

Manzil tu hai...

Anjaani Raahein Hai

Anjaani raahein hai, andekhe sapne hai..
Chal pade hai ab hum, saath kuch apne hai..
Kayi armaan hai, kisi ki khoj hai...
Ankahe shabd hai, adhure khwaab hai..
Meelo ke raastein, sang kuch gaane hai..
Har ek dil mein, koyi tamanna hai...

Gungunaatein hue, hum chal diye...
Muskuraate hue, hum badh chale...

Jaane kahaa, kis oar par, kya mile..
Thodi khushi, thode se gham, seh lenge..
Par saath apna choote, kabhi naa...
Manzil abhi, kuch duur hai, jaanu main..
Kshitij ko bhi, choone ki chaah puri hai...
Ab hawaaein bhi hai behti sang apne..
Bas honsla ho, toh manzil apni, hogi...
Kuch paana ho, toh kuch khona nahi zaruri..!

Maa Tujhe Salaam

Shubham karoti kalyanam, Aarogyam dhana sampadah...

Shatrubudhi vinaashaaya, Deepa jyotir namostute...

Deepa jyoti parabramha, Deepa jyoti janardhana...

Deepo me tu hara paapam, Deepo jyotir namostute...

Dharti hamari, ambar ko choone...

Nikli hai lekar, arabo ki toli...

Bhatki hui si, kuch ladkhadi si...

Khwaabo ki duniya, simti hui hai...

Jo lad mare hai, azaadi ke khaatir...

Jaane jo laakho hum kho chuke hai...

Balidaan unke kyun bhool chuke hai...

Yaadein woh saari, dhundhli si kyun hai...

Bhoole nahi hum, woh tyaag unka...

Uske hi dum pe, hai aaj hamara...

Le jaayenge hum, apne watan ko...

Uss raaste pe, jahaan sirf jeet ho...

Maula dua de, thodi si lau de...

Yeh desh apna, unchaayi choome...

Andheri raah hai, aankhen bhi nam hai...

Aansu mita de, bas roshni de...

Karte hai hum saare, MAA TUJHE SALAAM...

Dil ki gehraayion se, MAA TUJHE SALAAM...

Pal...

Tere liye hi hai, yeh zindagi...
Tujh se hi hai ab, meri har khushi...
Aarzoo hai bas, tere saath rehna...
Zindagi ki har ghadi...

Tu paas toh nahin par, faaslon mein bhi dum nahin...
Tu saath toh nahin par, bin tere koi pal nahin...
Hai pyaar mein aisi taakat, jo pal mein khushiyaan de jaati hai...
Aankhen bandh kar lu toh, taaza voh pal, ho jaate hai.......

Bharat Ki Shaan...

Waqt se aage rehna, hame aa gaya hai...
Dat kar mehnat karna, hamne seekh liya hai...
Surkhiyon mein rehne ki aadat si ho gayi hai...
Ek hi lakshya ab hai, shikhar ko choona hai...

Aapse yeh vaada hai...
Dil-o-jaan se khelenge...
Hunar ko hamaare aur, mazbut karenge...
Sirf ek guzaarish hai...
Aapke pyaar ki khwaaish hai...
Suron se sajaayenge hum, Bharat Ki Shaan.......

Aam si zindagi thi hamaari...
Guzarti thi, aapke hi darmiyaan...
Aaj is mukaam par hai hum khade...
Chaahte hai bas, aapki dua.......

Intezaar...

Khoya khoya sa yeh chand hai...
Khoye khoye se hai hum bhi...
Jaane kaha, ab hosh hai...
Madhosh hai yeh sama bhi...
Halke se, yeh hawaayein, izhaar karti hai kya...
Chup ke se, is dil mein, armaan jagaati hai kya?

Intezaar hai, ab pyaar ka...
Inteha hai, ab sabr ka...
Kaun hai, jiski chaah hai...
Noor hai, jo in aankho ka...
Intezaar hai.......

Aayegi kya kabhi, voh hamaare paas bhi?
Aakar kya kabhi, ikraar kar jaayegi?
Uske ek khayal se hi, dil mera hai dhadakta...
Itni kyun hai bebasi, main khud se hi poochta...

Intezaar hai, ab pyaar ka...
Inteha hai, ab sabr ka...
Kaun hai, jiski chaah hai...
Noor hai, jo in aankho ka...
Intezaar hai.......

Tanhaa...

Tanha main hoon yahaan... Tanha har manzar yahaan...
Bebas si viraniya... Bekaabu hai aansu yahaan...
Ghar ki yaad satati hai...
Apno ki yaadein aati hai...
Tanhaaiyaan, sukun kha jaati hai...

Dhue mein har gham, udaane ki koshish hai...
Andhere mein koi saaya, paane ki khwaish hai...
Ho gayi ho khata humse toh, koi maafi de de...
Sunsaan si galiyon mein, sahaara de de...
Bahut hai gham yahaan, mushkil jee paana yahaan...
Bebas si viraniya... Bekaabu hai aansu yahaan...

Albeli...

Woh hai albeli...
Sab se woh anokhi...
Uska yaaron kya kehna, mere sapno ki woh rani.......

Phool khile, jab woh hanse...
Dil machle, jab woh baat kare...
Uski aankhen hai itni haseen, woh chale, toh thame yeh zameen.......

Jab milti hai woh mujhse...
Dekhta reh jaata main use...
Kehte hai log jo mann mein aaye, mera mann mere dil ki sune.......

Jaadu uski nazron mein hai...
Zulfein uski, lehren hai...
Lehron mein kho jaaye dil toh, phir dhoond ke bhi naa mil paaye.......

Kya yehi pyar hai...

Mann mein kyun hulchul hai...
Khwaabo mein kyun, bas tum ho basi...
Meri nazare kyun dhoondhe, tumko hi,
Har pal, har ghadi...
Kya yehi pyar hai?

Dekhu tumhe toh, dekhta reh jaaoon...
Jheel si aankho mein, main toh kho jaaoon...
Baaton mein tumhaari kaisa nasha hai...
Koi bataa de mujhe, Kya yehi pyar hai?

Tumhaari meethi si, har ek ada ne...
Mera dil yun jeet liya hai...
Kya karu, ek pal bhi chain nahi ab...
Koi bataa de mujhe, Kya yehi pyar hai?

Tumse main jab bhi mil nahin paata hoon,
Tarasta, tadapta rehta hoon...
Tumhaari yaadon ko, kyun bhool naa paaoon main...
Koi bataa de mujhe, Kya yehi pyar hai?

Tum Ho...

Mere khwaabo khayaalo mein tum ho...
Meri dhadkan mein, saanso mein tum ho...
Phoolo ki mehak mein, tum ho..
Hawaaon ki thandak mein tum ho...

Suraj ki sunehri kirno mein tum ho...
Koyal ki madhur awaz mein tum ho...
Har khoobsurat kali mein tum ho...
Meri har pyaar bhari nazar mein, tum ho...

Main sochta har pal jise, woh tum ho...
Jise dekhte rehne ko jee chahe, woh tum ho...
Mere dil mein jisne ghar basaaya, woh tum ho...
Mujhe jo mili, ek nayi zindagi, woh tum ho...

Chale hum ghar se duur...

Dukh gham saare bhool kar...
Manzil ko saamne rakh kar...
Chale hum ghar se duur...
Yaaron ko alvida keh kar...
Yaadon ko dil mein rakh kar...
Chale hum ghar se duur...
Pahaado mein dwaar kar...
Nadiyon ko paar kar...
Chale hum ghar se duur...
Pavan ke jhoko mein jhoom kar...
Barsaati paani mein bheeg kar...
Chale hum ghar se duur...
Aasmaano ko cheer kar...
Baadalo par sair kar...
Chale hum ghar se duur...
Kuch kar dikhaane ki thaan kar...
Duniyaa ko dikhane ki zidd kar...
Chale hum ghar se duur...

Musafir...

Khwaab kai dekhe honge...
Dil mein kai armaan honge...
Khwaaishon ke parvat, mann mein honge...
Haasil inhe hai karna...
Inke liye hi jeena...
Raahe khuli hai, in raaho pe...
Yun hi chalte jaana, musaafir...
Phir mud ke naa dekhna, tu yahaan...
Yun hi aage badhna musaafir...
Apni manzil paa kar hi lautna...

Woh Din...

Woh din, ab nahi rahe, woh lamhe ab guzar gaye...
Zindagi ki raahon mein saathi, jaane kaha kho gaye...

Raaste apne apne, sab hi chal diye...
Apni manzil ki khoj mein, aage badh chale...
Aise chalte chalte, yeh kaha hum aa gaye...
Yaaron se hai duur ab, kaise laut aaye...

Beete, guzre lamhe, aksar yaad aaye...
Un yaadon mein, khwaabo mein, apne yaar aaye...
Zindagi bhar kaash, yun hi saath hum reh sake...
Yaari mein naa ho kabhi, koi daraare...

Jaane Kyun...

Jaane kyun aisa hua hai...
Zindagi kyun aise badal gayi...
Sapne dhundhla gaye hai...
Ab haqeeqat kuch aur bayaan kar rahi hai...

Manzilein aur duur jaa chuki hai...
Faansle bhi badhte hi reh gaye...
Raahon mein thokar kayi hai...
Ab sambhalne ki chaah kahin kho gayi hai...

Apne jo saath the, ab kahin woh kho gaye...
Tanha is safar pe hum chal diye.......
Na sahaare ki aas hai, maut ki bas pyaas hai...
Jaane kab thamegi yeh dhadkane.......

Zindagi ne rukh aisa moda, jaane kyun.......

Kabhi Alvida Naa Kehna

Duuri aayi, in raaho mein... Aansu layi, in palko pe...
Inteha ke in lamho mein, tum...
Is pal ko yunhi thame rehna...
Yaadon ko aanchal se baandhe rakhna...
Zindagi mein, mere yaara...
Kabhi Alvida Naa Kehna.......

Aankho se teri, bataaun main, tera haal...
Khushbu yeh teri, kare mujhko behaal...
Dhadkan se teri, main jaanu, tera pyaar...
Aaja mere paas, yeh dil hai bekaaar...
Aisa yeh rishta hamaara, tute naa kabhi...
Mohabbat bhari hi hamesha, guzre zindagi...

Is pal ko yunhi thame rehna...
Yaadon ko aanchal se baandhe rakhna...
Zindagi mein, mere yaara...
Kabhi Alvida Naa Kehna.......

Raate kat ti hai, khayaalo mein hi teri...
Din aise guzarte, jaise tu hai, yahin kahin...
Aisi haalat hai, tere pyaar mein, ab meri...
Kab ho woh mulaaqat, dil pooche har ghadi...
Aisa yeh rishta hamaara, tute naa kabhi...
Mohabbat bhari hi hamesha, guzre zindagi...

Is pal ko yunhi thame rehna...
Yaadon ko aanchal se baandhe rakhna...
Zindagi mein, mere yaara...
Kabhi Alvida Naa Kehna.......

Tum...

Meri khwaaisho mein saji ho tum...
Meri dhadkano mein basi ho tum...
Meri aankho mein, in hawaaon mein bhi ho tum...
Mere jeene ki wajah ho tum.......

Har ghadi, har ek pehar, jise sochu, woh ho tum...
Bepanaah jise chaahta main, woh pari ho tum...
Uljhano mein, main jab hota, meri himmat bhi ho tum...
Mushkile mujh pe aa jaaye toh, aasra bhi ho tum...

Jee mera kahin lage nahin, gar mujhse duur ho tum...
Minite bhi, sadiyaan lage, gar saath naa ho tum...
Dil mera aahein bharta jo hans ke dekh lo tum...
Yeh zameen, tham si jaati hai, jo kadam ispe rakho tum...

Dhundhli si...

Andheri raahon mein, dhundhli si, woh manzil nazar naa aa saki...
Ek tinke ki khoj mein hum bhatakte rahe...
Dhundhli si yaadein bhi khone lagi...

Aaj rukh hawaao ka kuch badal sa gaya...
Zanjeero main jakda sa main reh gaya...
Bandishe, badhti gayi... Zindagi, tham si gayi...
Adbhare khwaabo mein, dhundhle se, woh armaan adhure reh gaye...

Rishto mein jo tha bharosa, mitne laga...
Kaun apna, kaun paraya, yeh na sujha...
Duuriya, badhti gayi... Chaahte, ghat si gayi...
Bandhano ko baandhe jo, dhundhli si, woh dor nazar naa aa saki...