Dhundhli si...

Andheri raahon mein, dhundhli si, woh manzil nazar naa aa saki...
Ek tinke ki khoj mein hum bhatakte rahe...
Dhundhli si yaadein bhi khone lagi...

Aaj rukh hawaao ka kuch badal sa gaya...
Zanjeero main jakda sa main reh gaya...
Bandishe, badhti gayi... Zindagi, tham si gayi...
Adbhare khwaabo mein, dhundhle se, woh armaan adhure reh gaye...

Rishto mein jo tha bharosa, mitne laga...
Kaun apna, kaun paraya, yeh na sujha...
Duuriya, badhti gayi... Chaahte, ghat si gayi...
Bandhano ko baandhe jo, dhundhli si, woh dor nazar naa aa saki...