Pal...

Tere liye hi hai, yeh zindagi...
Tujh se hi hai ab, meri har khushi...
Aarzoo hai bas, tere saath rehna...
Zindagi ki har ghadi...

Tu paas toh nahin par, faaslon mein bhi dum nahin...
Tu saath toh nahin par, bin tere koi pal nahin...
Hai pyaar mein aisi taakat, jo pal mein khushiyaan de jaati hai...
Aankhen bandh kar lu toh, taaza voh pal, ho jaate hai.......

Bharat Ki Shaan...

Waqt se aage rehna, hame aa gaya hai...
Dat kar mehnat karna, hamne seekh liya hai...
Surkhiyon mein rehne ki aadat si ho gayi hai...
Ek hi lakshya ab hai, shikhar ko choona hai...

Aapse yeh vaada hai...
Dil-o-jaan se khelenge...
Hunar ko hamaare aur, mazbut karenge...
Sirf ek guzaarish hai...
Aapke pyaar ki khwaaish hai...
Suron se sajaayenge hum, Bharat Ki Shaan.......

Aam si zindagi thi hamaari...
Guzarti thi, aapke hi darmiyaan...
Aaj is mukaam par hai hum khade...
Chaahte hai bas, aapki dua.......

Intezaar...

Khoya khoya sa yeh chand hai...
Khoye khoye se hai hum bhi...
Jaane kaha, ab hosh hai...
Madhosh hai yeh sama bhi...
Halke se, yeh hawaayein, izhaar karti hai kya...
Chup ke se, is dil mein, armaan jagaati hai kya?

Intezaar hai, ab pyaar ka...
Inteha hai, ab sabr ka...
Kaun hai, jiski chaah hai...
Noor hai, jo in aankho ka...
Intezaar hai.......

Aayegi kya kabhi, voh hamaare paas bhi?
Aakar kya kabhi, ikraar kar jaayegi?
Uske ek khayal se hi, dil mera hai dhadakta...
Itni kyun hai bebasi, main khud se hi poochta...

Intezaar hai, ab pyaar ka...
Inteha hai, ab sabr ka...
Kaun hai, jiski chaah hai...
Noor hai, jo in aankho ka...
Intezaar hai.......

Tanhaa...

Tanha main hoon yahaan... Tanha har manzar yahaan...
Bebas si viraniya... Bekaabu hai aansu yahaan...
Ghar ki yaad satati hai...
Apno ki yaadein aati hai...
Tanhaaiyaan, sukun kha jaati hai...

Dhue mein har gham, udaane ki koshish hai...
Andhere mein koi saaya, paane ki khwaish hai...
Ho gayi ho khata humse toh, koi maafi de de...
Sunsaan si galiyon mein, sahaara de de...
Bahut hai gham yahaan, mushkil jee paana yahaan...
Bebas si viraniya... Bekaabu hai aansu yahaan...

Albeli...

Woh hai albeli...
Sab se woh anokhi...
Uska yaaron kya kehna, mere sapno ki woh rani.......

Phool khile, jab woh hanse...
Dil machle, jab woh baat kare...
Uski aankhen hai itni haseen, woh chale, toh thame yeh zameen.......

Jab milti hai woh mujhse...
Dekhta reh jaata main use...
Kehte hai log jo mann mein aaye, mera mann mere dil ki sune.......

Jaadu uski nazron mein hai...
Zulfein uski, lehren hai...
Lehron mein kho jaaye dil toh, phir dhoond ke bhi naa mil paaye.......

Kya yehi pyar hai...

Mann mein kyun hulchul hai...
Khwaabo mein kyun, bas tum ho basi...
Meri nazare kyun dhoondhe, tumko hi,
Har pal, har ghadi...
Kya yehi pyar hai?

Dekhu tumhe toh, dekhta reh jaaoon...
Jheel si aankho mein, main toh kho jaaoon...
Baaton mein tumhaari kaisa nasha hai...
Koi bataa de mujhe, Kya yehi pyar hai?

Tumhaari meethi si, har ek ada ne...
Mera dil yun jeet liya hai...
Kya karu, ek pal bhi chain nahi ab...
Koi bataa de mujhe, Kya yehi pyar hai?

Tumse main jab bhi mil nahin paata hoon,
Tarasta, tadapta rehta hoon...
Tumhaari yaadon ko, kyun bhool naa paaoon main...
Koi bataa de mujhe, Kya yehi pyar hai?

Tum Ho...

Mere khwaabo khayaalo mein tum ho...
Meri dhadkan mein, saanso mein tum ho...
Phoolo ki mehak mein, tum ho..
Hawaaon ki thandak mein tum ho...

Suraj ki sunehri kirno mein tum ho...
Koyal ki madhur awaz mein tum ho...
Har khoobsurat kali mein tum ho...
Meri har pyaar bhari nazar mein, tum ho...

Main sochta har pal jise, woh tum ho...
Jise dekhte rehne ko jee chahe, woh tum ho...
Mere dil mein jisne ghar basaaya, woh tum ho...
Mujhe jo mili, ek nayi zindagi, woh tum ho...

Chale hum ghar se duur...

Dukh gham saare bhool kar...
Manzil ko saamne rakh kar...
Chale hum ghar se duur...
Yaaron ko alvida keh kar...
Yaadon ko dil mein rakh kar...
Chale hum ghar se duur...
Pahaado mein dwaar kar...
Nadiyon ko paar kar...
Chale hum ghar se duur...
Pavan ke jhoko mein jhoom kar...
Barsaati paani mein bheeg kar...
Chale hum ghar se duur...
Aasmaano ko cheer kar...
Baadalo par sair kar...
Chale hum ghar se duur...
Kuch kar dikhaane ki thaan kar...
Duniyaa ko dikhane ki zidd kar...
Chale hum ghar se duur...

Musafir...

Khwaab kai dekhe honge...
Dil mein kai armaan honge...
Khwaaishon ke parvat, mann mein honge...
Haasil inhe hai karna...
Inke liye hi jeena...
Raahe khuli hai, in raaho pe...
Yun hi chalte jaana, musaafir...
Phir mud ke naa dekhna, tu yahaan...
Yun hi aage badhna musaafir...
Apni manzil paa kar hi lautna...

Woh Din...

Woh din, ab nahi rahe, woh lamhe ab guzar gaye...
Zindagi ki raahon mein saathi, jaane kaha kho gaye...

Raaste apne apne, sab hi chal diye...
Apni manzil ki khoj mein, aage badh chale...
Aise chalte chalte, yeh kaha hum aa gaye...
Yaaron se hai duur ab, kaise laut aaye...

Beete, guzre lamhe, aksar yaad aaye...
Un yaadon mein, khwaabo mein, apne yaar aaye...
Zindagi bhar kaash, yun hi saath hum reh sake...
Yaari mein naa ho kabhi, koi daraare...

Jaane Kyun...

Jaane kyun aisa hua hai...
Zindagi kyun aise badal gayi...
Sapne dhundhla gaye hai...
Ab haqeeqat kuch aur bayaan kar rahi hai...

Manzilein aur duur jaa chuki hai...
Faansle bhi badhte hi reh gaye...
Raahon mein thokar kayi hai...
Ab sambhalne ki chaah kahin kho gayi hai...

Apne jo saath the, ab kahin woh kho gaye...
Tanha is safar pe hum chal diye.......
Na sahaare ki aas hai, maut ki bas pyaas hai...
Jaane kab thamegi yeh dhadkane.......

Zindagi ne rukh aisa moda, jaane kyun.......

Kabhi Alvida Naa Kehna

Duuri aayi, in raaho mein... Aansu layi, in palko pe...
Inteha ke in lamho mein, tum...
Is pal ko yunhi thame rehna...
Yaadon ko aanchal se baandhe rakhna...
Zindagi mein, mere yaara...
Kabhi Alvida Naa Kehna.......

Aankho se teri, bataaun main, tera haal...
Khushbu yeh teri, kare mujhko behaal...
Dhadkan se teri, main jaanu, tera pyaar...
Aaja mere paas, yeh dil hai bekaaar...
Aisa yeh rishta hamaara, tute naa kabhi...
Mohabbat bhari hi hamesha, guzre zindagi...

Is pal ko yunhi thame rehna...
Yaadon ko aanchal se baandhe rakhna...
Zindagi mein, mere yaara...
Kabhi Alvida Naa Kehna.......

Raate kat ti hai, khayaalo mein hi teri...
Din aise guzarte, jaise tu hai, yahin kahin...
Aisi haalat hai, tere pyaar mein, ab meri...
Kab ho woh mulaaqat, dil pooche har ghadi...
Aisa yeh rishta hamaara, tute naa kabhi...
Mohabbat bhari hi hamesha, guzre zindagi...

Is pal ko yunhi thame rehna...
Yaadon ko aanchal se baandhe rakhna...
Zindagi mein, mere yaara...
Kabhi Alvida Naa Kehna.......

Tum...

Meri khwaaisho mein saji ho tum...
Meri dhadkano mein basi ho tum...
Meri aankho mein, in hawaaon mein bhi ho tum...
Mere jeene ki wajah ho tum.......

Har ghadi, har ek pehar, jise sochu, woh ho tum...
Bepanaah jise chaahta main, woh pari ho tum...
Uljhano mein, main jab hota, meri himmat bhi ho tum...
Mushkile mujh pe aa jaaye toh, aasra bhi ho tum...

Jee mera kahin lage nahin, gar mujhse duur ho tum...
Minite bhi, sadiyaan lage, gar saath naa ho tum...
Dil mera aahein bharta jo hans ke dekh lo tum...
Yeh zameen, tham si jaati hai, jo kadam ispe rakho tum...

Dhundhli si...

Andheri raahon mein, dhundhli si, woh manzil nazar naa aa saki...
Ek tinke ki khoj mein hum bhatakte rahe...
Dhundhli si yaadein bhi khone lagi...

Aaj rukh hawaao ka kuch badal sa gaya...
Zanjeero main jakda sa main reh gaya...
Bandishe, badhti gayi... Zindagi, tham si gayi...
Adbhare khwaabo mein, dhundhle se, woh armaan adhure reh gaye...

Rishto mein jo tha bharosa, mitne laga...
Kaun apna, kaun paraya, yeh na sujha...
Duuriya, badhti gayi... Chaahte, ghat si gayi...
Bandhano ko baandhe jo, dhundhli si, woh dor nazar naa aa saki...

Kabhi Himmat Tum Na Haarna...

Kabhi jo waqt aaye bura, kabhi dil ho gham se bhara,
Kabhi ho koi tumse juda, kabhi himmat tum naa haarna...
Aaj hai jo woh, kal phir naa hoga,
Khushiyaa aayengi, dard naa hoga,
Aaj andhera hai, kal saveraa bhi, hoga...
Khel waqt ka yeh kabhi toh thamega...
Kabhi Himmat Tum Naa Haarna.......

Pyaar mein kabhi, hota hai yun...
Dil jise diya, wohi duur hota hai kyun?
Sachhe pyaar par, karo tum yakin...
Sachha hai agar toh, milega kabhi...
Dil mein aashaa ki deep jalaaye rakhna,
Kabhi Himmat Tum Naa Haarna.......

Zindagi hame, sikhati hai sab...
Achha-bura kya, dikhati hai sab...
Apne hame, samjhe nahi...
Pal do pal ke yaar hai sab...
Par gham karna nahi, bas badhte rehnaa,
Kabhi Himmat Tum Naa Haarna.......

Jiyo, toh jee bhar ke...

Bas kuch palo mein, zindagi simat jaayegi...
Dekhte hi dekhte, yeh saanse tham jaayengi...
Zindagi ke in chand lamho ko yaadgaar banaao...
Jiyo toh jee bhar ke jiyo, marte dum tak jiyo...

Ashaao ko udne do...
Khwaabo ko jeevan do...
Khud ko bandisho mein naa baandho...
Jiyo toh jee bhar ke jiyo, marte dum tak jiyo...

Ummeedo ka daman na chodo...
Koshisho ka silsila jaari rakho...
Jo tumse naa ho, aisa koi kaam na ho...
Jiyo toh jee bhar ke jiyo, marte dum tak jiyo...

Muh na phero unse, apne hai jo...
Sar jhuka bhi do, galti hui ho toh...
Sachaai ka meetha hai ras, ise mil-jul ke piyo...
Jiyo toh jee bhar ke jiyo, marte dum tak jiyo...

Tumse jo duur hoon main...

Tumse jo duur hoon main, yeh mann kahin, lagaaya na jaaye...
Dil yeh bebas hai kitna, kisi se kuch, kaha bhi naa jaaye...
Meri har saans, meri har soch, tumhaare liye hai...
Ab mujhse raha bhi naa jaaye, tum bin jiya bhi naa jaaye...

Tumhe dekhne, ek baar hi sahi, yeh aankhe tarasti hai...
Tumhe choone, bhool se hi sahi, yeh haath machalte hai...
Meri har saans, meri har soch, tumhaare liye hai...
Ab mujhse raha bhi naa jaaye, tum bin jiya bhi naa jaaye...

Waqt woh sunehra, jab hum saath the, mujhe har pal yaad aati hai...
Aayega waqt woh, kabhi toh laut kar, dil mera kehta hai...
Meri har saans, meri har soch, tumhaare liye hai...
Ab mujhse raha bhi naa jaaye, tum bin jiya bhi naa jaaye...

Tumhaare intezar mein...

Kabhi kabhi main sochu, mere jeene ki vajah kya hai?
Har ghadi, dil ke dhadakne ki zarurat kya hai?
Saanse chalti hai kyun? Lamhe ghut ghut ke guzarte hai kyun?
Yaadein aati hai kyun? Khayaalo mein kisiki baatein gunjti hai kyun?
Jawaab in sawaalon ka, maine paaya, tumhaare intezaar main...

Pal pal palko pe, aansu rehte hai kyun?
Har pal, aankho mein nasha sa chaaya rehta hai kyun?
Naye naye nazaaro mein, dil dhoondta kisiko kyun?
Ek voh awaz sunne ko, tarasta hai kyun?
Khalbali si mann mein machti hai kyun?
Kya kare, kya naa kare, yeh naa sujhe, kyun?
Jawaab in sawaalon ka, maine paaya, tumhare intezaar mein...

Tanhaayion mein, parchaayion se, dosti si ho gayi...
Hawaaon ke jhoko mein behti khushbuon se, mulaaqat bhi ho gayi...
Itni tanhaayi zindagi mein aati hai kyun?
Hawaaon mein voh khushbu, pehchaani si lagi hai kyun?
Jawaab in sawaalon ka, maine paaya, tumhaare intezaar mein...